बैंकिङ्ग समाचार, काठमाडौं । 
कुमारी बैंक लिमिटेडले संस्थापक शेयरधनीको नाममा रहेको शेयर बिक्रीमा ल्याएको छ । बैंकका संस्थापक शेयरधनी गिताराम थापा मगरको एक हजार ५१५ कित्ता र सीता देवी पुलामीको दुई हजार ६९ कित्ता संस्थापक शेयर बिक्रीमा ल्याएको छ ।

शेयर खरिद गर्न इच्छुक विद्यमान शेयरधनीले आवश्यक कागजात सहित आफूले खरिद गर्न चाहेको शेयर कित्ता समेत खुलाई कम्पनीको प्रधान कार्यालय टंगाल, काठमाडौंमा सूचना प्रकाशित मितिले ३५ दिनभित्र आवेदन पेश गर्न आग्रह गरिएको छ ।