बैंकिङ्ग समाचार,काठमाडौं ।
चिरख्वा हाइड्रोपावर  लिमिटेडले  आज अर्थात साउन २८ गतेदेखि पहिलो चरणको आईपिओ बिक्री खुला गरेको छ।  कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागि आईपीओ निष्काशन गर्न लागेको हो।

कम्पनीले जारी पूँजी ४० करोड रुपैयाँको १० प्रतिशत अर्थात् ४ करोड रुपैयाँ बराबरको प्रतिकित्ता १ सय रुपैयाँ अंकित मूल्य दरका ४ लाख कित्ता सेयर आयोजना प्रभावित क्षेत्र भोजपुर जिल्लाका स्थानीय बासिन्दालाई बिक्री गर्नेछ  छ भने श्रम स्वीकृति लिई विदेशमा रहेका नेपाली नागरिकलाई ८० हजार कित्ता शेयर निष्काशन गर्ने छ। 

सो शेयरका लागि भोजपुर जिल्लाका स्थानिय बासिन्दाहरुले न्यूनतम १० कित्ताका लागि आवेदन दिन सक्नेछन, भने वैदेशिक रोजगारीमा रहेका नेपालीहरुले अधिकतममा ५ हजार कित्ता शेयरका लागि आवेदन दिन सक्नेछन् ।

आयोजना प्रभावित क्षेत्रका स्थानिय बासिन्दाहरुका लागि निष्काशन बन्द छिटोमा भदौ १० गते हुनेछ भने ढिलोमा भदौ २५ गते हुनेछ। वैदेशिक रोजगारीमा रहेका नेपालीहरुले भने भदौ १० गतेभित्र आवेदन दिनु पर्नेछ।