ऐतिहासिक बिन्दुमा पुगेको सुनको मूल्य १ हजार रुपैयाँले घट्यो, कतिमा हुँदैछ कारोबार ?

काठमाडौं – नेपाली बजारमा आज सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा १ हजार रुपैयाँले घटेको हो ।

यससँगै आज सुन तोलामा २ लाख १६ हजार १ सय रुपैयाँ कायम भएको छ । हिजो सुनको मूल्य तोलामा २ लाख १७ हजार १ सय रुपैयाँमा कारोबार भएको थियो। यो हालसम्मकै उच्च मूल्य हो ।

त्यस्तै, आज चाँदीको मूल्य ४५ रुपैयाँले घटेको छ । यससँगै आज चाँदी २५ सय ५० रुपैयाँ कायम भएको छ। हिजो चाँदीको मूल्य प्रतितोला २५ सय ९५ रुपैयाँमा कारोबार भएको थियो। यो हालसम्मकै उच्च मूल्य हो ।