सुनको मूल्यमा नयाँ कीर्तिमान, प्रतितोलाको २ लाख ३ हजार ६ सय

काठमाडौं – नेपाली बजारमा आइतबार सुनको मूल्य नयाँ कीर्तिमान कायम गरेको छ। नेपाल सुनचाँदी व्यवसायी महासंघका अनुसार आइतबार सुनको मूल्य एकैदिन ३ हजार रुपैयाँले बढेको छ।

योसँगै प्रतितोला छापावाल सुनको मूल्य २ लाख ३ हजार ६०० रुपैयाँ कायम भएको छ। यो हालसम्मकै उच्च हो। गत शुक्रबार सुन प्रतितोला २ लाख ६०० रुपैयाँमा किनबेच भएको थियो।

यसैगरी आइतबार चाँदीको मूल्य पनि तोलामा ६५ रुपैयाँले बढेर २ हजार ४२५ रुपैयाँ कायम भएको छ। जुन हालसम्मकै उच्च हो। गत शुक्रबार चाँदी प्रतितोला २ हजार ३६० रुपैयाँमा कारोबार भएको थियो।