गार्डियन माइक्रो लाइफको दीर्घायु बचत लघु बीमाः ५ लाख रुपैयाँसम्मको बीमा कभर गर्ने

काठमाडौं – २०७९ सालदेखि सञ्चालनमा आएको गार्डियन माइक्रो लाइफ इन्स्योरेन्सले विगत एक वर्षदेखि ‘दीर्घायु बचत लघु बीमा’ योजना सञ्चालनमा ल्याएको छ । कम्पनीले निम्न आय भएका वर्गलाई बीमामा समेट्ने लक्ष्यसहित दीर्घायु बचत लघु बीमा योजना अघि सारेको थियो । जसमा कम्पनीले १८ देखि ५५ वर्ष उमेर समूहका व्यक्तिहरूहरुलाई समेट्दै आइरहेको छ । कम्पनीले अधिकतम परिपक्व उमेर ७० वर्ष तोकेको छ भने न्यूनतम दश हजारदेखि अधिकतम पाँच लाख रुपैयाँसम्मको बीमा रकम कभर गर्छ ।

यस कम्पनीले दीर्घायु बचत लघु जीवन बीमा योजनाबाट धेरै न्यून आय भएको वर्गलाई पनि समावेश गरिसकेको छ । यही बीमा लेखको विषयमा बैंकिङ्ग समाचारले गार्डियन माइक्रो लाइफ इन्स्योरेन्सका प्रमुख कार्यकारी अधिकृत चिरायु भण्डारीसँग पोलिसीको महत्त्व विशेषता र अन्य योजनाबारे गरिएकाे कुराकानीको सम्पादित अंश:–

गार्डियन माइक्रो लाइफ इन्स्योरेन्सको ‘दीर्घायु बचत लघु जीवन बीमा’ योजनाले नेपाली नागरिकहरूलाई अभूतपूर्व वित्तीय लाभ प्रदान गर्ने अपेक्षा गरिएको छ । विशेष सुविधाहरूले भरिएको यो योजनाले देशभरका परिवारहरूको आर्थिक सुरक्षालाई नयाँ उचाइमा पुर्याउने लक्ष्य लिएको छ ।

नेपालमा एक नवीन दीर्घायु बचत लघु जीवन बीमा योजना सार्वजनिक भएको छ । जसले नेपाली नागरिकहरूलाई वित्तीय सुरक्षाको नयाँ बाटो प्रदान गर्ने अपेक्षा गरिएको छ । यो योजनाले विशेष सुविधाहरू र लचिलो विकल्पहरू प्रस्तुत गर्दै सर्वसाधारणको जीवनमा सकारात्मक प्रभाव पार्ने विश्वास लिइएको छ ।

यो योजनामा १८ देखि ५५ वर्ष उमेर समूहका व्यक्तिहरू सहभागी हुन सक्नेछन् । र, अधिकतम परिपक्व उमेर ७० वर्ष तोकिएको छ । बीमा रकम न्यूनतम दश हजारदेखि अधिकतम पाँच लाख रुपैयाँसम्म कभर गर्छ । बीमा अवधि १२ र १६ वर्षका लागि उपलब्ध छ । बीमाशुल्क तिर्ने तरिका एकल, वार्षिक वा अर्धवार्षिक रूपमा छनोट गर्न सकिन्छ ।

योजनाले सर्वसाधारण वा बीमितिलाई आधारभूत लाभहरू प्रदान गर्दछ । बीमालेख अवधि समाप्तिमा बीमितलाई बीमा रकम र अवधिको आधारमा आकर्षक प्रतिफल प्राप्त हुनेछ । १२ वर्ष योजनामा बीमा रकमको ११० प्रतिशत र १६ वर्ष योजनामा १२० प्रतिशत प्रतिफल पाइन्छ । साथै, एकल बीमाशुल्कमा ४० हजार प्रति वर्ष र वार्षिक र अर्धवार्षिक भुक्तानीमा ५० हजार प्रति वर्षको दरले सुनिश्चित थप रकम थपिनेछ ।

यदि बीमितको असामयिक निधन अवधि समाप्त हुनुभन्दा अघि हुन्छ भने कानुनी हकदारलाई बीमा रकमसहित उक्त थप रकम प्रदान गर्दछ । यो योजनाले ऐच्छिक सुविधाहरू पनि समावेश गरेको छ । जसमा दुर्घटना मृत्यु लाभ, दुर्घटना उपचार लाभ र दुर्घटनाबाट पूर्ण अशक्तता वा अङ्गभङ्गको करार सुविधा समावेश छन् । साथै, तीन वर्षको बीमाशुल्क भुक्तानी गरेपछि बीमितले चुक्ता मूल्य, समर्पण मूल्य वा ऋण सुविधा प्राप्त गर्न सक्नेछन् । थप रूपमा, भुक्तानी गरिएको बीमाशुल्कमा नेपाल सरकारको नियमअनुसार आयकर गणनामा छुट सुविधा पाइने छ । जसले यो योजनालाई अझ आकर्षक बनाउँछ ।

गार्डियन माइक्रो लाइफ इन्स्योरेन्सले डिजिटल माध्यमलाई आत्मसाथ पनि गर्दै आइरहेको छ । बीमा क्षेत्रमा नै पहिलो पटक गार्डियन माइक्रोले कर्मचारीहरूलाई एआईको प्रयोग वा यसको महत्वको विषयमा तालिम पनि दिएको छ । आगामी दिनमा पनि कर्मचारी साथै सबै ग्राहकहरूलाई सेवा सुविधा दिँदै अघि बढ्ने योजना रहेको छ ।