नास–आईटीद्वारा साइबर सुरक्षा समिति गठन, नेपालको डिजिटल लचिलोपनलाई सुदृढ गर्ने

काठमाडाैं – नेपाल एसोसिएसन फर सफ्टवेयर एन्ड आईटी सर्भिसेज कम्पनीज (नास–आईटी) ले आफ्नो आधिकारिक साइबर सुरक्षा समिति गठन गरेको छ। यस समितिको स्थापना नेपालको डिजिटल क्षेत्रलाई उच्च स्तरको सुरक्षित, सुदृढ र भविष्यका लागि तयार बनाउन सहयोग पुर्याउने उद्देश्यले गरिएको हो।

यस समितिमा साइबर सुरक्षा विज्ञहरू र नास–आईटी सदस्य कम्पनीहरूका प्रतिनिधिहरू संलग्न छन्। समितिका सदस्यहरूको सामूहिक लक्ष्य नेपालमा साइबर सुरक्षालाई सुधार गर्नु हो। नास–आईटी बोर्ड अन्तर्गत सञ्चालन हुने यो समितिले निजी क्षेत्र र बृहत् प्राविधिक समुदायभित्र व्यावहारिक र महत्त्वपूर्ण गतिविधिहरू को नेतृत्व गर्नेछ।

साइबर सुरक्षा समितिको भिजन नेपालको सूचना प्रविधि र सफ्टवेयर उद्योगलाई सुरक्षित, सुदृढ र विश्वसनीय बनाउनु — ताकि यसले देशको डिजिटल प्रणाली र तथ्याङ्कको सुरक्षा गर्दै विश्वव्यापी बजारमा विकास गर्न सकोस्।

नास–आईटी साइबर सुरक्षा समितिका मुख्य उद्देश्यहरू:

–विशेषज्ञ अन्तर्दृष्टिः प्राविधिक र रणनीतिक निर्णयहरूलाई मार्गदर्शन गर्न शीर्ष पेशेवरहरूको ज्ञान प्रयोग गर्ने।

–नीति वकालतः स्पष्ट, उपयोगी, र प्रभावी साइबर सुरक्षा नियम र कानूनहरू को विकासलाई समर्थन गर्ने।

–सहकार्य: निजी कम्पनीहरू, सरकारी निकायहरू, विश्वविद्यालयहरू र अन्य समूहहरूबीच सामूहिक कार्यलाई सुधार गर्ने।

–ज्ञान आदानप्रदानस् साइबर सुरक्षा बारे थप सिक्न मानिसहरूलाई मद्दत गर्न कार्यक्रमहरू, तालिमहरू, र अनुसन्धान कार्यहरू आयोजना गर्ने।

–बजार वृद्धिस् स्थानीय विचारहरू, स्टार्टअपहरू, र सेवाहरूलाई समर्थन गर्ने, र नेपाललाई अन्तर्राष्ट्रिय स्तरमा आफ्नो साइबर सुरक्षा उद्योग बढाउन मद्दत गर्ने।

अन्तरक्रिया, रचनात्मक विचार र सामूहिक पहलका लागि यो समिति एउटा माध्यमको रूपमा काम गर्नेछ। यसले नेपालको साइबर सुरक्षा प्रयासहरूलाई विश्वव्यापी मापदण्डहरूसँग मिलाउन र भविष्यका आवश्यकता र चुनौतीहरूका लागि उद्योगलाई तयार पार्न मद्दत गर्नेछ।

नास–आईटी साइबर सुरक्षा समितिका सदस्यहरूः

–विजय लिम्बु सेनिहाङ – भैरव टेक्नोलोजी सेक्युरिटी प्रालि (समितिका प्रमुख)

–घनश्याम ओली – बिज सर्भ आईटी

–प्रज्वल गौतम – एमिनेंस वेज प्रालि

–रोशन पोखरेल – लगपोइन्ट प्रालि

–सम्पन्न श्रेष्ठ – जेनेस सोलुसन प्रालि

नास–आईटी सञ्चालक समितिबाट सल्लाहकारहरूः

–अभय पौडेल – गोक्यो ल्याब्स प्रालि  

–दिपेन चापागाईं – लगपोइन्ट प्रालि  

–नारायण कोइराला – इमिनेन्स वेज प्रालि