साउनमा पनि बैंकिङ्ग प्रणालीमा तरलताको चाप थथावत्, ५० अर्ब तान्दै केन्द्रीय बैंक 

काठमाडौं – केन्द्रीय बैंकले आज ५० अर्ब रुपैयाँ  तरलता प्रशोचन गर्ने भएको छ । बैंक तथा वित्तीय संस्थाहरूमा अधिक तरलता थुप्रिएसँगै केन्द्रीय बैंकले लगालग निक्षेप तानिरहेको छ । निक्षेप सङ्कलन उपकरणको माध्यमबाट बैंकले ४२  दिने निक्षेप सङ्कलन गर्न लागेको हो।

अनलाइन बिडिङ सिस्टममार्फत दिउँसो ३ बजे बोलकबोल हुने निक्षेप सङ्कलन आजै खरिद गरिने केन्द्रीय बैंकले जनाएको छ । इच्छुक आवेदकले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्मका लागि आवेदन दिन सक्नेछन् । 

निक्षेप सङ्कलनको परिपक्वता वा सावाँ ब्याज भुक्तानी भदौ १५ गते हुनेछ । केन्द्रीय बैंकले  साउन लागेपछि यो पहिलो पटक तरलता प्रशोचन गर्न लागेको हो।