काठमाडौं– केन्द्रीय बैंकले बुधबार थप ५० अर्ब रुपैयाँ तरलता प्रशोचन गर्ने भएको छ । आइतबार (आइतबार असार ८ गते) अर्ब निक्षेप सङ्कलन गरेको केन्द्रीय बैंकले आज थप ५० अर्ब रुपैयाँ तान्ने भएको हो । बैंक तथा वित्तीय संस्थाहरूमा अधिक तरलता थुप्रिएसँगै केन्द्रीय बैंकले लगालग निक्षेप तानिरहेको छ । निक्षेप सङ्कलन उपकरणको माध्यमबाट बैंकले ६३ दिने निक्षेप सङ्कलन गर्न लागेको हो ।
अनलाइन बिडिङ सिस्टममार्फत दिउँसो ३ बजे बोलकबोल हुने निक्षेप सङ्कलन आजै खरिद गरिने केन्द्रीय बैंकले जनाएको छ । इच्छुक आवेदकले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्मका लागि आवेदन दिन सक्नेछन् ।
निक्षेप सङ्कलनको परिपक्वता वा सावाँ ब्याज भुक्तानी भदौ ११ गते हुनेछ । यसअगाडि केन्द्रीय बैंकले असार १ गते ४० अर्ब रुपैयाँ, ४ गते ९० अर्ब रुपैयाँ, ८ गते ६० अर्ब रुपैयाँ तरलता प्रशोचन गरेको थियो ।
About Us
प्रतिक्रिया