काठमाडौं– नेपाल राष्ट्र बैंकले आगामी आर्थिक वर्षको मौद्रिक नीतिका लागि सुझाव माग गरेको छ । नेपाल राष्ट्र बैंकको आर्थिक अनुसन्धान विभागले आज एक सूचना जारी गर्दै राय सुझाव माग गरेको हो ।

राष्ट्र बैंकले असार १६ गते भित्र आफ्नो राय सुझाव पेस गर्न सरोकारावालालाई आग्रह गरेको छ । राष्ट्र बैंकले साउन १५ गतेभित्र आगामी आर्थिक वर्षको मौद्रिक नीति सार्वजनिक गर्ने तयारीका साथै सुझाव माग गरेको हो ।

राष्ट्र बैंकले नेपाल राष्ट्र बैंक ऐन, २०५८ मा व्यवस्था भएबमोजिम प्रत्येक वर्ष मौद्रिक नीति सार्वजनिक गर्दै आएको जनाएको छ । केन्द्रीय बैंकले सरोकारवालाबाट प्राप्त सुझावलाई समेत प्राथमिकतामा राखेर मौद्रिक नीति सार्वजनिक गर्ने बताएको छ ।