बैंकिङ समाचार,काठमाडौं । 

म्युजिक भिडिओमा अभिनय गर्दैआएकी मोडेल सोफी धरेल फिल्ममा डेब्यु गरेकी छिन् । 

दश वर्ष अघि ‘नाइके’निर्देशन गरेका नेत्र गुरुङको निर्देशन रहने फिल्म ‘कडी’मा सोफी मुख्य भूमिकामा देखिनेछिन् ।
सोफीले दर्जनौँ म्युजिक भिडिओमा अभिनय गरिसकेकी छिन् ।

कडीमार्फत पोखरेली मोडल सोफी धरेलको सँग टिकटकबाट चर्चामा आएका बद्रीप्रसाद तिवारीले डेब्यु गर्दैछन् । नेत्र इन्टरटेन्मेन्ट ब्यानरमा सुस्मिता फिल्मको सहकार्यमा बन्न लागेको फिल्मको सोमबार पोखराको विन्ध्यवासिनी मन्दिरमा शुभमुहूर्त गरिएको छ ।

फिल्ममा प्रकाश घिमिरे, कमल भण्डारी, सुगत करणजीत, विकास खनाल, संगम कायस्थ, राजेन्द्र अधिकारी, राम बास्तोला, सरिता दानकुटी, प्रमिला तुलाचन, अर्जुन खड्का लगायतको अभिनय रहनेछ । दिपेश केसीले फिल्म खिच्नेछन् ।