काठमाडाैं- प्रतिनिसभा सदस्या रेखा शर्माले तीनकुेन घटनाको पर्दा पछाडि पूर्व राजा ज्ञानेन्द्र शाह रहेकाे बताएकी छिन् । प्रतिनिधिसभाको आजको बैठकलाई सम्बोधन गर्दै शर्माले तीनकुने घटनामा कसकाे संलग्नता छ भन्ने विषय दिनकाे घाम जस्तै छलङ्ग रहको बताउँदै आन्दोलनको कमान्ड दुर्गा प्रसाईँले गरेपनि यसमा पूर्व राजाकाे संलग्नता रहेकाे बताएकी हुन् ।

सांसद् शर्माले भनिन्,’प्रत्यक्ष कमान्ड कथित जनकमान्डर दुर्गा प्रसाईँले गरेका छन् । तर, हामी सबैले के बुझेका छौँ, भने यसको पर्दा पछाडि पूर्व राजा ज्ञानेन्द्र शाह छन् । उनको उक्साहटमा उनले पटक–पटक गरेका आह्रामा, अपिलमा युवाहरू समाहित भएका छन् ।’

साथै, शर्माले तीनकुने घटनामा संग्नलन सबैलाई कारबाही गर्न र मृतक शहीद घोषणा गर्न माग गरेकी छिन् ।