अमृत पुडासैनी, काठमाडौं ।

उमेरले ७६ बर्ष लागिसकेका छन् प्रेम नारायण कोइरी बुढो शरिरको कारण थरमराउदै हिड्छन् । उनी बिहान नुवाई धुवाई सँगै पुजा पाठ गर्छन्, उनको हेरचाहमा उनकी श्रीमती पनि सँगै छिन् । बिहान बेलुकाको खाना बनाउँने काम उनकै श्रीमतीले गर्छिन । किनकी उनका श्रीमान अरु कसैले बनाएको खाना खादैनन्, खाना खाइसकेपछि उनीहरु अरु ६३ जना साथी सँगै माइतीघर आउँनको लागि तयार हुन्छन् ।

प्रेम नारायणले ५ बर्ष अघि वसन्त कुहार सँग ९ लाख ऋण लिएका थिए, घरको छत ढलान गर्नको लागि तर उनले ऋण लिएको १ बर्ष भित्रै ब्याज सहित १६ लाख बुझाइदिए, तर साहू वसन्तलाई १६ लाखले पुगेन र ब्याज सहित भन्दै ४२ लाख रुपैंया बुझाउन ताकेता गरेपछि यी दुई दम्पती अन्य पिडित सँगै मिटरब्याज बिरुद्धको आन्दोलनमा आएका हुन् ।उनले भने ‘ मैले वसन्त सँग ९ लाख लिएको थिए, लिएको १ बर्षमा १६ लाख दिएको थिए, तर वसन्तले अझै ४२ लाख रुपैंया तिर्नुपर्ने बताएपछि यहाँ आउँन बाध्य भएका हांै,न्याय नपाए सम्म हामी यहाँ बाट जाने छैनौ’ ।

त्यस्तै, सुधरीदेवी केवटका छोरा गुरीयाचानी पनि सोही आन्दोलनमा छन् । उनको बुवाले विदेश जानको लागि जगदिश बानियाँ सँग १ लाख रुपैया ऋण लिएका थिए । उनको बुवाले पैसा लिएका ३ सालमा ४ लाख रुपैंया दिइसकेका छन् । तर साहू जगदिशले अझै ४ लाख ५० हजार रुपैंया नदिए जग्गा ३ धुरको टष्टिबन्धक राखेका थिए । उनलाई डर छ कि, उनको जमिन साहू जगदिशले बेचिदिने पो हो कि भन्ने । त्यसैले उनी भन्छन्’ यो आन्दोलनमा आउँनु हाम्रो लागि मजबुरी पनि छ । त्यसैले न्याय नपाए सम्म हामी जान मिल्दैन÷जादैनौ’ ।

यी माथीका प्रतिनिधी मात्र मात्रै हुन् तराईमा यस्ता पात्रहरु २ लाख भन्दाकम छैनन् । आन्दोलनमा आउँने धेरैको एकै बोली छ, न्याय नपाए घर फिर्ती हुन्नौ ।

उनीहरु आज २३ दिन देखि माईती घरमा मिटरब्याज बिरुद्धको आन्दोलनमा निरन्तर आईरहेका छन् ।

बैंकिङ्ग समाचारलाई प्राप्त विवरण अनुसार ५५ साहूकरसँग विभिन्न समयमा ३ करोड ७० लाख २ हजार रुपैंया ऋण लिएकोमा अधिकांशले टृष्टिबन्धक गरेका थिए भने, साहूलाई करिब १० करोड १५ लाख १६ हजार ३ सय उठाइसकेका छन् तैपनि टृष्टिबन्धक राखेको जग्गा फिर्ता भएन । अझै साहूकरहरुले १० करोड ८१ लाख ६१ हजार भन्दा बढी तिर्नु पर्ने भन्दै पिडितलाई दबाव दिएपछि संगठित हुदै न्यायको आशामा काठमाडौं आएका हुन् । तरपनि सरकारले हाल सम्म कुनैपनि साहूलाई पक्राउ गर्न नसकेको पिडित बताउँछन् । 

तराई मधेशमा करिब २ लाख भन्दा बढी मिटरब्याजीको एक उदाहरण हुन माथिका पात्रहरु अरु यस्ता कयौ छन्, तर समाजको डरले कतिपय मुद्दा बाहिर आउँन नकेको छैन ।
यस बिषयलाई सरकारले अहिले सम्म आरोपीतहरु मध्ये ३ जनालाई मात्रै पक्राउ गरेको छ । तर सरकारले आखामा छारो हाल्ने काम गरेको अभियानकर्मी निर्ग नविन बताउँछन् । 

सुस्ता बाट लखेटिए गृहको टोली 

माईती घरमा धर्नामा बसेका पिडित सँग सम्झौता नगरेर गृह मन्त्रालयको टोली सम्झौताको लागि नवलपरासी गएकोमा त्यहाँबाट लखेटिएका छन् । विगत २३ दिन देखि आन्दोलन गरिरहेको सँग सम्झौता नगरेर नक्कली मिटरब्याजी कडा गरी सम्झौता गर्न लागेकोले करिब डेढ सयको समूहले लगेटेका छन् । उनीहरुलाई सुस्ताबाट लेखेटेको र प्रतापपुर गएको अभियानकर्मी नविलले बैंकिङ्ग समाचारलाई बताए ।
 

के–छ उनीहरुको माग ?

१) मिटरब्याज पिडितले सरकारले साहूलाई कारबाही गर्नुपर्ने र टृष्टिबन्धक छिनुवा पासको लगत संकलन गरेर गृहले छानविन समिति गठन गर्ने ।
२) तमसुक, टृष्टिबन्धक च्यात्ने ।
३) छिनुवा पास गरिएका जग्गा पहिला जसको नाममा थियो, उसैलाई फिर्ता गर्नुपर्ने माग राखेका छन् ।