काठमाडौं – नेपाल प्रहरीले विभिन्न तहमा कर्मचारी माग गरेको छ । शुक्रबार सूचना प्रकाशन गर्दै विभिन्न तहमा स्थायी कर्मचारी माग गरेको हो ।

प्रहरी प्रधान कार्यालय नक्सालले एक सूचना जारी गर्दै जनपद प्रहरी समूहतर्फ रिक्त प्रहरी जवान (जनपद) र प्रहरी कार्यालय सहयोगी पदहरूमा खुला प्रतियोगिताद्वारा समावेशी प्रावधानबमोजिम पदपूर्ति गर्ने गरी दरखास्त आह्वान गरेको हो ।

कार्यालयले प्रहरी जवानतर्फ ११६५ जना, प्रहरी कार्यालय सहयोगी (भान्से) मा ४७ जना र ११ जना कुचीकार माग गरेको छ ।सातवटै प्रदेश कार्यालयबाट योग्य नेपाली नागरिकले मंसिर २७ गतेदेखि माघ ७ गतेसम्म आवेदन दिन सक्नेछन् ।