काठमाडौं – आजदेखि एक सातासम्म काठमाडौंका विभिन्न स्थाानमा विद्यत् आपूर्ति बन्द हुने भएका छन् । आज बुधबार कात्तिक २८ गतेदेखि एक सातासम्म  दैनिक ४ घण्टा विद्युत् आपूर्ति अवरुद्ध हुने भएको हुन् ।

कुलेश्वर वितरण केन्द्रअन्तर्गतको विद्युतीय लाइन भूमिगत गर्ने कार्यका लागि विद्युत् आपूर्ति अवरुद्ध हुने भएको हो। नेपाल विद्युत् प्राधिकरणका अनुसार सो कार्यका लागि बिहान ११ बजेदेखि दिउँसो ३ बजेसम्म विद्युत् आपूर्ति बन्द हुनेछ ।

बुधबार, बिहीबार र शुक्रबार (२८, २९ र ३० गते)  बलम्बु, कलंकी र थानकोट फिडरअन्तर्गत कलंकीदेखि सतुंगलसम्मको क्षेत्रमा विद्युत् हुनेछैन । त्यस्तै, आइतबार सोमबार र मंगलबार (मंसिर २, ३, र ४)  कलंकी क्षेत्र, आइतबार पुनः कलंकीदेखि सतुंगल र सोमबार कलंकी क्षेत्रमा चार घण्टा बिजुली नहुने प्राधिकरणले जनाएको छ ।