काठमाडौं – जिल्ला प्रहरी कार्यालय उदयपुरले नक्कली सिभिल इन्जिनियर पक्राउ गरेको छ । जिप्रका उदयपुरले सर्लाही जिल्ला गडहियाका ३४ वर्षीय जवराहिल मंसुरीलाई नक्कली कागजपत्रसहित पक्राउ गरेको हो ।

पक्राउ परेका मंसुरीकाे साथबाट प्रहरीले भूमि व्यवस्था सहकारी तथा गरिबी निवारण मन्त्रालय नापी विभाग नापी कार्यालय स्याङ्जाको रौशन अधिकारीको नाममा जारी भएकाे सिभिल ईन्जिनियर (अधिकृत छैठौ) कर्मचारी परिचयपत्र बरामद गरेको हो। यस विषयमा थप अनुसन्धान भइरहेको जिप्रका उदयपुरले जानकारी दिएको छ ।