काठमाडौं – हिमालयन रिइन्स्योरेन्स कम्पनीले आज एक सूचना जारी गर्दै जग्गा खरिदका लागि शिलबन्दी बोलपत्र आह्वान गरेको छ। काठमाडौं वा ललितपुरमा १५ रोपनीसम्मको जग्गा खरिद गर्ने भएको हो।

घर वा घरसहितको जग्गा बिक्री गर्न इच्छुक व्यक्ति तथा संस्थाहरुले यो सूचना प्रकाशित भएको मितिले १५ दिन दिनसम्म कार्यालयसमिति बोलपत्र प्रस्ताव पेस गर्न सक्नेछन्। बोलपत्र पेस गर्ने अन्तिम दिन शनिबार वा सार्वजनिक बिदा पर्न गएमा भोलिपल्टसम्म बुझाउन सक्नेछन्।

कम्पनीले काठमाडौं दरबारमार्ग, बालुवाटार, महाराजगन्ज, नक्साल, नयाँ बानेश्वर, कमलादी, गैरीधारा, विशालनगर र पुरानो बानेश्वर वा ललितपुरको लगनखेल, कुपण्डोल, पुल्चोक, जवलाखेललगायतका पायक पर्ने तथा अन्य उपयुक्त स्थानमा जग्गा खरिदका लागि बोलपत्र आह्वान गरेको हो। बिक्री गर्न चाहेको जग्गा संयुक्त नाममा भएमा संयुक्त आवेदन दिनुपर्ने कम्पनीले जनाएको छ।