काठमाडौं – बिहीबारबाट अवरोध भएको भैरहवास्थित  गौतम बुद्ध अन्तर्राष्ट्रिय विमानस्थलबाट उडान सुरु भएको छ। उडान सूचारू भएपनि चिप्लिएको बुद्ध एयरको जहाज भने धावनमार्गमै रहेको छ।

उक्त जहाज हटाउन टोली बिहीबार राती नै काठमाडौंबाट गएको र हटाउने प्रयास जारी रहेको बुद्ध एयरका प्रतिनिधिले बताएका छन् ।

बिहीबार राति ९ बजेर ४० मिनेटको समयमा बुद्ध एयरको विमान अवतरण गर्ने धावनमार्गमा चिप्लिएपछि विमानस्थलमा अरू जहाजहरू पनि अवतरण र उडान गर्न सकेका थिएनन् । शुक्रबार साढे १० बजेपछि विमानस्थलबाट उडान सुचारु भएकाे हाे ।