काठमाडौं– काठमाडौंको भृकुटीमण्डपमा चार दिने पुष्प मेला बिहीबारबाट सुरु भएको छ । २५ औं फ्लोरा एक्पो ‘स्वच्छ वातावरण तथा आर्थिक सम्वृद्धिको लागि पुष्प व्यवसाय’ भन्ने नाराका साथ आजबाट ४ गतेसम्म मेला जारी रहनेछ ।

फ्लोरिकल्चर एसोसिएसन नेपालको आयोजना तथा पुष्प विकास केन्द्रको सह–आयोजनामा मेला संचालन हुन लागेको हो । मेला अवलोकन गर्न सर्वसाधारणका लागि १५० रुपैयाँ र विद्यार्थीका लागि १०० रुपैयाँ प्रवेश शुल्क लाग्ने आयोजकले जनाएको छ ।