काठमाडौं– नक्कली नोटसहित एक जना पाकिस्तानी नागरिक पक्राउ परेका छन् । पक्राउ पर्नेमा पाकिस्तान कराची घर भएका ३४ वर्षीय शेरदाज खान रहेको प्रहरीले जनाएको छ ।

खानको साथबाट प्रहरीले ठमेलको नरसिंह चोकबाट नक्कली जस्तो देखिने थाईभाट १ हजार दरको १४ थान नोट बरामद गरेको हो ।

सोही ठाउँस्थित गरिमा विकास बैंकबाट नोट साट्ने क्रममा नक्कली नोट जस्तो देखेको भन्ने खबर प्राप्त हुनासाथ प्रहरी वृत्त लैनचौरबाट खटिएको प्रहरीले उनलाई उक्त नोटसहित पक्राउ गरेको हो ।