आजदेखि अत्याधिक वर्षाको जोखिम, बालीनाली जोगाउनदेखि सतर्क रहन मौसम विज्ञान विभागको अनुरोध

काठमाडौं । मौसमविदहरुले आज अर्थात असोज १७ गतेदेखि असोज २० गतेसम्म भारीदेखि अति भारी वर्षाको जोखिम औंल्याएका छन् । गत वर्षको असोज १२ मा आएजस्तै भिषण वर्षासँगै बाढी, पहिरो र डुबानको जोखिम मौसमविदहरुले औल्याएका हुन् ।

जल तथा मौसम विज्ञान विभागका अनुसार गत वर्षको जस्तै उच्च वर्षा हुँदा सातै प्रदेशका विभिन्न स्थान प्रभावित हुने जोखिम उच्च छ । भारीदेखि अति भारी वर्षा गराउनका लागि बंगलाको खाडीमा उत्पन्न वायु भारतको ओडिसा राज्यहुँदै नेपाल प्रवेश गरिसकेको छ ।

यसबाट, देशभरका विभिन्न स्थानमा डुबाउसँगै बाढी र पहिरोको जोखिम उच्च रहेको विभागको भनाई छ ।